2015 جىلعى 19 ناۋرىز, استانا, ۇكىمەت ءۇيى
«اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم جوباسى بويىنشا شەتەلدىك جۇمىس كۇشىن تارتۋعا كۆوتا بەلگىلەۋ جانە «اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم جوباسىن ىسكە اسىرۋ ءۇشىن شەتەلدىك جۇمىس كۇشىن تارتۋعا رۇقسات بەرۋ شارتتارىن بەكىتۋ تۋرالى
«حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسى زاڭىنىڭ 8-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. وسى قاۋلىعا قوسىمشاعا سايكەس «اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم جوباسى بويىنشا شەتەلدىك جۇمىس كۇشىن تارتۋعا كۆوتا بەلگىلەنسىن.
2. قوسا بەرىلىپ وتىرعان «اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم جوباسىن ىسكە اسىرۋ ءۇشىن شەتەلدىك جۇمىس كۇشىن تارتۋعا رۇقسات بەرۋ شارتتارى ء(وتىنىش بەرۋشى – «SINOPEC Engineering (Group) Co., Ltd» قازاقستاندىق فيليالى) بەكىتىلسىن.
3. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2015 جىلعى 19 ناۋرىزداعى №147 قاۋلىسىنا قوسىمشا
«اتىراۋ ءموز-ءىن رەكونسترۋكتسيالاۋ جانە جاڭعىرتۋ»
باسىم جوباسى بويىنشا شەتەلدىك جۇمىس كۇشىن تارتۋعا ارنالعان كۆوتا
جوبانىڭ اتاۋى ءوتىنىش بەرۋشى ىسكە اسىرۋ ورنى ىسكە اسىرۋ مەرزىمى كۆوتا (ادام)
1 2 3 4 5
«اتىراۋ ءموز-ءىن رەكونسترۋكتسيالاۋ جانە جاڭعىرتۋ» « SINOPEC Engineering (Group) Co., Ltd» قازاقستاندىق فيليالى اتىراۋ قالاسى, اتىراۋ وبلىسى 2013 – 2016
جىلدار 2015 – 2016
جىلدار:
1500
قازاقستان رەسپۋبليكاسى ۇكىمەتىنىڭ
2015 جىلعى 19 ناۋرىزداعى №147 قاۋلىسىمەن بەكىتىلگەن
«اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم
جوباسىن ىسكە اسىرۋ ءۇشىن شەتەلدىك جۇمىس كۇشىن تارتۋعا رۇقسات بەرۋ شارتتارى
ء(وتىنىش بەرۋشى – «SINOPEC Engineering (Group) Co., Ltd» قازاقستاندىق فيليالى)
1. اۋماعىندا باسىم جوبا ىسكە اسىرىلاتىن اكىمشىلىك-اۋماقتىق بىرلىكتىڭ ۋاكىلەتتى ورگانىنا جۇمىس بەرۋشى نە ول ۋاكىلەتتىك بەرگەن تۇلعا ۇسىناتىن شەتەلدىك جۇمىس كۇشىن تارتۋعا ارنالعان وتىنىشكە قوسا بەرىلەتىن قۇجاتتاردا مىنالار قامتىلۋعا ءتيىس:
1) تەگى, اتى, اكەسىنىڭ اتى (ونىڭ ىشىندە لاتىن ارىپتەرىمەن), تۋعان كۇنى, ازاماتتىعى, پاسپورتىنىڭ (جەكە باسىن كۋالاندىراتىن قۇجاتتىڭ) ءنومىرى, بەرىلگەن كۇنى جانە بەرگەن ورگان, تۇراقتى تۇراتىن ەلى, شىققان ەلى, ءبىلىمى, ەڭبەك جونىندەگى ورتالىق اتقارۋشى ورگان بەكىتەتىن قازاقستان رەسپۋبليكاسىندا قولدانىلاتىن باسشىلار, ماماندار جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىعىنا, ۇيىمداردىڭ باسشىلارى, ماماندارى مەن باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىنا, ءجۇمىسشىلاردىڭ جۇمىستارى مەن كاسىپتەرىنىڭ بىرىڭعاي تاريفتىك-بىلىكتىلىك انىقتامالىعىنا, ءجۇمىسشىلار كاسىپتەرىنىڭ تاريفتىك-بىلىكتىلىك سيپاتتامالارىنا جانە 01-99 «كاسىپتەر جىكتەۋشىسى» قازاقستان رەسپۋبليكاسىنىڭ مەملەكەتتىك جىكتەۋشىسىنە سايكەس ماماندىعىنىڭ, بىلىكتىلىگىنىڭ (لاۋازىمىنىڭ) اتاۋلارى كورسەتىلە وتىرىپ, تارتىلاتىن شەتەلدىك قىزمەتكەرلەر تۋرالى مالىمەتتەر;
2) قازاقستان رەسپۋبليكاسىنىڭ كۇشىنە ەنگەن حالىقارالىق شارتتارىندا كوزدەلگەن جاعدايلاردى قوسپاعاندا, قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن زاڭداستىرىلعان ءبىلىمى تۋرالى قۇجاتتاردىڭ نوتاريالدى راستالعان اۋدارمالارى (ەگەر قۇجات مەملەكەتتىك نەمەسە ورىس تىلىندە تولتىرىلعان بولسا, كوشىرمەلەرى);
3) قىزمەتكەر بۇرىن جۇمىس ىستەگەن جۇمىس بەرۋشىنىڭ رەسمي بلانكىسىندە قىزمەتكەردىڭ ەڭبەك قىزمەتى تۋرالى جازباشا راستاۋى قوسا بەرىلگەن قىزمەتكەردىڭ ەڭبەك قىزمەتى تۋرالى اقپارات ء(تيىستى كاسىپ بويىنشا جۇمىس ءوتىلى جونىندە بىلىكتىلىك تالاپتارى بولعان كەزدە) نەمەسە قازاقستان رەسپۋبليكاسىندا تانىلاتىن وزگە دە راستاۋشى قۇجاتتار;
4) باسىم جوبانى ىسكە اسىرۋعا قاتىسقانىن كۋالاندىراتىن شارتتان نوتاريالدى راستالعان ءۇزىندى كوشىرمە نەمەسە سالىستىرۋ ءۇشىن تۇپنۇسقاسى ۇسىنىلعان كوشىرمەسى (مەردىگەرلىك جانە قوسالقى مەردىگەرلىك ۇيىمدار ءۇشىن).
2. ۋاكىلەتتى ورگاننىڭ جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋى مىناداي قاتىناستار ساقتالعان كەزدە جۇزەگە اسىرىلادى:
1) «اتىراۋ ءموز-ءىن رەكونسترۋكتسيالاۋ جانە جاڭعىرتۋ» جوباسىن ىسكە اسىرۋ ءۇشىن قازاقستان رەسپۋبليكاسى ازاماتتارىنىڭ سانى باس مەردىگەرلىك جانە ولاردىڭ قوسالقى مەردىگەرلىك ۇيىمدارىنداعى ءبىرىنشى جانە ەكىنشى ساناتقا جاتقىزىلاتىن قىزمەتكەرلەردىڭ تىزىمدىك سانىنىڭ 50%-نان كەم بولماۋى ءتيىس;
2) «اتىراۋ ءموز-ءىن رەكونسترۋكتسيالاۋ جانە جاڭعىرتۋ» جوباسىن ىسكە اسىرۋ ءۇشىن قازاقستان رەسپۋبليكاسى ازاماتتارىنىڭ سانى باس مەردىگەرلىك جانە ولاردىڭ قوسالقى مەردىگەرلىك ۇيىمدارىنداعى ءۇشىنشى جانە ءتورتىنشى ساناتقا جاتقىزىلاتىن قىزمەتكەرلەردىڭ تىزىمدىك سانىنىڭ 70%-نان كەم بولماۋى ءتيىس.
3. شەتەلدىك قىزمەتكەرلەردىڭ ەلگە كىرۋى «حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسى زاڭىنىڭ 35-بابىندا كوزدەلگەن شارتتار ساقتالعان كەزدە جۇزەگە اسىرىلادى.
4. شەتەلدىك جۇمىس كۇشىن تارتۋ «حالىقتى جۇمىسپەن قامتۋ تۋرالى» 2001 جىلعى 23 قاڭتارداعى قازاقستان رەسپۋبليكاسى زاڭىنىڭ 9-بابى 2-تارماعىنىڭ 2) تارماقشاسى ساقتالعان جاعدايدا جۇزەگە اسىرىلادى.
5. ەڭبەك نارىعىندا ۇسىنىستار بولعان جاعدايدا ۋاكىلەتتى ورگان جۇمىس بەرۋشى وكىلىنىڭ قاتىسۋىمەن بوس لاۋازىمعا ۇمىتكەر قازاقستاندىق ازاماتتاردىڭ كانديداتۋراسىن قارايدى. كەزدەسۋ ۋاقىتى مەن ورنىن ۋاكىلەتتى ورگان بەلگىلەيدى, بۇل تۋرالى جۇمىس بەرۋشىگە جانە ءتيىستى ۇمىتكەرگە حابارلانادى.
6. وسى شارتتاردا رەتتەلمەگەن شەتەلدىك جۇمىس كۇشىن تارتۋدىڭ وزگە دە شارتتارى قازاقستان رەسپۋبليكاسى ۇكىمەتىنىڭ 2012 جىلعى 13 قاڭتارداعى №45 قاۋلىسىمەن بەكىتىلگەن شەتەلدىك قىزمەتكەرگە جۇمىسقا ورنالاسۋعا جانە جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋدىڭ قاعيدالارى مەن شارتتارىندا رەگلامەنتتەلەدى.